contact

Sandro Tomaschett

+41 79 331 88 80

sandro.tomaschett@scolasa.ch

 

© 2017 by scolasa.ch 

praticantas dall'australia

A caschun dalla Winter School 2018 organisada dalla PHZH (Scola aulta da pedagogia Turitg) havein nus la quida d'astgar beneventar il schaner treis praticantas dall'Australia en nossa classa. 

Las praticantas arrivan en treis e vegnan a visitar nossa classa mintgamai singul, ferton che duas praticantas passentan lur praticum a Mustér. L'emprema praticanta viseta nus gievgia, ils 11 da schaner e la davosa praticanta vegn a restar tier nus tochen venderdis, ils 26 da schaner. 

Quell'occasiun ei ina schanza unica per promover las atgnas cumpetenzas linguisticas en engles. En quei senn vi jeu motivar tuttas scolaras e tuts scolars da prender tutta curascha e da resdar ton sco mo pusseivel cullas praticantas. Jeu per mia part sun perschuadius da quella purschida e selegrel fetg sin quellas jamnas da praticum. 

tecnicas d'emprender e sustegn

Sin fundament dalla sera da geniturs (referat da Reto Cadosch davart tecnicas e strategias d'emprender) anfleis vus cheu entgins videos davart igl emprender e sustener vies affon a casa. Entgins cussegls secumprovan veramein ella lavur dil mintgadi. Per damondas eventualas stun bugen a disposiziun. 

diever digl internet en realias

En realias vegnin nus a luvrar savens al computer - quei en connex cun differents temas. Cheu eis ei impurtont d'enconuscher entginas paginas nua ch'ins anfla las endretgas informaziuns. Ina pintga rimnada anflas ti cheu sut: 

  • Vocabulari sursilvan per retschercar plaids (romontsch e tudestg)
  • Duden per retschercar plaids e lur muntada (tudestg)
  • Klicksafe per retschercar informaziuns dil fatg (lexicon per affons)
  • Klexikon per retschercar informaziuns dil fatg (lexicon per affons)

cordial beinvegni

Preziadas scolaras, preziai scolars, preziai geniturs ed interessai - cordial beinvegni silla pagina "scolasa.ch". 

Sin questa pagina anfleis vus tuttas informaziuns actualas davart la classa, diversas occurrenzas e l'instrucziun. Las informaziuns ein accessiblas cun agid dil menu seniester. Ils sutmenus sesarvan entras cliccar sissu. Cun agid dils simbols giudem la pagina ein ils learningapps arisguard las diversas tematicas accessibels directamein. 

Sut FAQ (Frequently Asked Questions = damondas frequentas) anfleis vus daniev damondas e rispostas davart temas impurtonts en connex cull'instrucziun. Per cass che vus haveis ulteriuras damondas che basegnan sclariment, supplicheschel jeu vus da tarmetter quellas a mi per This email address is being protected from spambots. You need JavaScript enabled to view it.. En tals cass rispundel bugen las damondas via quella pagina. En quei senn engraziel gia ordavon per vies agid e per vossas damondas. 

Jeu giavischel bien divertiment silla nova pagina. :-)